"Arragliata ciuccegna de bona sciorta", la Ciucceide napoletana tra Spalletti e Garcia

Carlo Avvisati, giornalista, storico e scrittore, pubblica i suoi versi sul Napoli dopo l'arrivo del nuovo allenatore Rudi Garcia, che prende dunque il posto di Luciano Spalletti, il mister di Certaldo che ha condotto gli azzurri alla conquista del tricolore. Parole in vernacolo per ricordare, parafrasando la "Ciucceide", il poema eroico che Niccolò Lombardo scrisse per omaggiare ed esaltare l’Asino, ovvero un animale nobile tra gli animali nobili, ordinando in "arragliate" i numerosi capitoli della sua composizione poetica. Qui di seguito il testo.

Arragliata ciuccegna de bona sciorta

pe ll’allenature

e pe la squatra ca jucarrà chist’anno

Spalletto se n’è ghiuto: viento mpoppa,

forze ha penzato “a mme chi m’’o ffà fa’

aggio vinciuto ‘o scuto e mmiso ‘a ‘coppa

a cchi ‘a trent’anne a mmo è stato cca.

Io mme nne vaco, ma da vincetore,

chi ‘o ssape chist’ato anno che succere,

pò esse’ ch’’a championna jesse a mmare

e i’ perdarria Felippo c’’o panaro”.

E ‘o presedente mo ha pigliato a n’ato

uno ch’apprimma sunava ‘o viulino,

uno franzese ca sta assaje nfamato

e tene nganna  a chi ha fatto ‘o mappino.

Se chiamma Rudo ‘e nomme, e ppo’ Garcia,

comme ‘o sargente ch’è nemmico ‘e Zorro…

Vedimmo si  nce mette ‘a fantasia

e mmanna ‘a squatra a ffa’ lu serraserra.

Senza viulino mmano, comme a ttanno,

armasse a squatra cu cannune e ppalle

ca int’’a championna ce stanno aspettanno 

e ncampiunato ce vonno fa’ ‘a pella.

Bona furtuna a ‘o ciuccio e stoppa arreto

e bona sciorta a ‘o Napule e a ‘e guagliune

bona sciorta a Ggarcia pe n’atu scuto:

puzzate vence sempe e ffa’ ’e campiune.